Pangenter Bawos

Pangenter Bawos Ring Resepsi Pawiwahaan

Inggih nawegang titiang

Mantuk ring ida dane atiti lan para uleman sareng sami

Pinih ajeng lugrayang titiang ngaturang suksmaning manah ping banget pisan, duaning sueca ugi ida dane uleman sami nagingin pengaptian titiang, mawinan, mawinan sregep pangrauh druwene kadi mangkin.

“Om Swastiastu”

Ida dane para atiti lan uleman sinamian sane baktinin titiang

            Lugrayang riin titiang  nyihnayang rasa angayu bagia majeng ring ida Sang Hyang Widi Wasa, duaning sampun majantenan wantah sangkaning asung kertha wara nugraha Ida, mawinan titiang pingkalih Ida dane presida mangguh kerahjengan turmaning presida kecunduk ring genahae puniki sekadi mangkin.

            Mantuk ring keledangan Ida dane ngerahuin keluargan titiang saha muat bebaktaan sane rahat-rahat pisan, boya lali taler titiang ngaturang prama suksma. Sakewanten ledangang pisan, duaning majanten titiang nenten pacang mresidayang ngwales pasuecan Ida dane antuk arta brana. Dumogi Ida Sang Hyang Parama Wisesa asung mapaica pangwales mantuk ring pasuecan ida dane sareng sami.

            Selantur ipun, duaning antuk genah titiang nganggra sapangarauh Ida dane dahating kosek tur maning kaon pisan, sueca ugi ida dane ngampurayang. Ampura ping banget taler nunas pet prade wenten atur titiang sane nenten manut ring arsa, ri tepengan nyanggra sapangarauh Ida dane sareng sami.

            Selantur ipun , duaning indik genah titiang nyanggra sepangrauh Ida dane dahating kosek tur maning kaon pisan, sueca ugi ida dane ngampurayang. Ampura ping banget taler nunas titiang  pet prade wenten atur titiang miwah tatakrama kaluargan titiang sane nenten manut ring arsa, ri tepengan nyanggra sapangerauh ida dane sareng sami.

Ida dane para atiti lan uleman sane wangiang titiang

Mungguing daging karya sane presida kelaksanayang titiang akluarga kapengehin puniki inggih punika :  

1.      Inuni semeng sampun kamargiang upacara matath, sane kamiletin antuk adi-adi miwah kaponakan titiang sareng lelima

2.      Wusan punika taler sampun kemargiang upacara masakapan utawi makala-kalaan mantuk ring sang alaki rabi.

3.      Yening nenten wenten pialang punapa-punapi, malih ajebos sawatara jam tiga jagi kalanturan parikrama majauman merika kedesa Munduk.

Inggih, kadi asapunika indik pidabdab titiang akluarga ngelaksanayang pailen-ilen upacara rahina mangkin. Inggih ida dane kadi amunika puput atur titiang. Sane mangkin ledang ugi Ida dane ring titiang mesandekan, jumujug ke genahe ring tengen, pacang kaaturin nyita rasa boga samatra. Sedurung punika, lugrayang titiang mupututang babaosan punika antuk ngojarang parama santi

“Om Santih, santih, santih, Om